Сојузот на синдикатите на Македонија и Секцијата на млади при ССМ денеска ќе ја промовираат кампањата „Приклучи се и кажи СТОП за сивата економија, кажи СТОП за непријавената работа“.
Кампањата е во рамки на проектот „Даноци, неформална економија и корупција во земјите од Западен Балкан“ што го реализираат Меѓународната конфедерација на синдикати, Паневропскиот регионален совет и Норвешката конфердерација на синдикати.
Кампањата, чија главна цел е да се засили борбата против сивата економија и да се подигне свеста кај младите, почнува денеска со панел дебата и прес-конференција во ССМ на која ќе учествуваат синдикални и претставници на Министерството за труд и социјална политика.