Камер Идризи, лице познато за МВР, е убиениот во вечерашното пукање во Бутел

Од:

Камер Идризи, роден во 1978 година, е лицето кое вечерва загина во престрелката во скопски „Бутел“, дознава „А1он“ од доброупатени полициски извори.

Идризи е лице познато за полицијата, а според нашите извори, во престрелката тешко ранет е и неговиот внук.

Убиството се случи доцна вечерва, на раскрсницата од булеварите „Босна и Херцеговина“ и „Христијан Тодоровски-Карпош“. Од МВР за „А1он“ веќе потврдија дека од првичните информации знаат дека е пукано од возило кон друго возило марка „голф“ во кое се превезувале две лица.

Информациите се дека кон лицата биле испукани дури 80 куршуми, од возило марка „Ренџ Ровер“.

Идризи и генералниот секретар на Владата, Мухамед Зекири / Фото: Фејсбук

„Во СВР Скопје околу 22 часот пријавено е пукање од возило кон друго пмв ‘голф’ на раскрсницата од булеварите „Босна и Херцеговина“ и „Христијан Тодоровски-Карпош“, одосно на паркингот. Во возилото ‘голф’ во кој било пукано, биле две машки лица, од кои едно им подлегнало на повредите во Клинички Центар. Увидна екипа на терен се работи на расчистување на случајот“, изјавија од МВР за „А1он“.

Идризи и градоначалникот на Бутел, Велимир Смилевски / Фото: Фејсбук

Идризи беше едно од лицата врз кое беше пукано во хотелот „Александар Палас“ во 2019 година. Како што тогаш беше објавено, напаѓачите биле вооружени со автоматско оружје и имале фантомки на главите, а поголеми последици врз нападнатите спречил полицаец во цивил кој во тој момент седел на истата маса со нападнатите и пукал кон напаѓачите во самоодбрана. Нападнатата група беше од Грчец, скопско.

Повеќе детали за вечерашната пресметка се најавени за текот на утрешниот ден.

Би можело да ве интересира

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност