Сведокот Орце Камчев во предметот „Рекет“ на прашање на адвокатот на Катица Јанева, Дељо Кадиев, рече дека во зградата на СЈО никогаш Јанева не му нудела спогодба, туку Боки 13.
„Мене никој никогаш не ми понуди спогодување. Никој не ми нудел такво нешто, ниту заштитен сведок…“, рече Камчев.
Toј денеска од 10 до 14 часот во скопскиот Кривичен суд со една получасовна пауза сведочеше и одговараше на прашањата на обвинителката Вилма Русковска и адвокатите на Бојан Јовановски и Катица Јанева.
На следното рочиште во вторник за „Рекет“ ќе сведочат благајничката на Орце Камчев, Мирјана Бошковска и неговата сопруга, Ана Камчева.