Терасата на порта „Македонија“ која има површина од 172 квадратни метри, се нуди под закуп на 5 години со намена кафе-бар и со почетна цена од 2,3 евра квадратен метар без ДДВ.
Според огласот, заинтересираните лица кои ќе сакаат отворат кафе бар на терасата-видиковец ќе може да ја земат под кирија ако понудат повеќе од 400 евра месечно, оти толкава е почетната цена за закупот на јавното наддавање.
Кафулето ќе може да работи осум месеци во годината, односно сезоната ќе трае од 1 март до 31 октомври, со работно време од 18 часот до полноќ. На товар на закупецот ќе бидат и комуналиите за просторот, како и трошоците за одржување на скалите и лифтот во објектот. Периодот на закуп е пет години, а закупецот нема потреба од дополнителни инвестиции оти веќе е опремена со инвентар за функционирање на кафе-бар тераса, но во барот нема да се пушта музика.