Преку одобрениот проект за одржливо управување со водните ресури во прекуграничниот регион, кој општина Гевгелија од 2 април почна да го спроведува во рамки на ИПА програмата со грчките партнери од Солун, Пеонија и Халкидона, јавното претпријатие „Комуналец“ од Гевгелија од доделениот грант од половина милион евра, доби околу 124.000 евра за опремување на современа лабораторија.
– Со доделените средства ќе набавиме најсовремени уреди за опремување на лабораторија во која ќе го мериме квалитетот на водата. За таа цел предвидено е да купиме он-лајн анализатор за 24 часовно следење и мерење на хемиските параметри, како и уште еден он-лајн анализатор за следење на квалитетот на другите води, велат од комуналното претпријатие кое е партнер на општина Гевгелија во реализацијата на проектот.
Останатите средства општина Гевгелија ќе ги искорити за средување на коритото на Сува река и тоа во нејзиниот најкритичен дел во должина од 600 метри.