„ЈПДП најостро ги демантира шпекулациите дека ГК АКТОР го рехабилитира регионалниот пат Р103 делница Прдејци –Смоквица.
Сакаме да ја известиме јавноста како и г. Тихомир Ручкоманов од ОО на ЛДП од Гевгелија кој лично не прозва како Јавно претпријатие за државни патишта дека ЈПДП со сопствени средства во висина од 19 милиони денари го рехабилитира Р 103, делница Прдејци –Смоквица преку Програмата за инвестиционо одржување со ЈП Македонија Пат ( кои патем и го изведуваат асфалтирањето).
Рехабилитацијата е отпочната оваа година и истата ќе продолжи и во наредните години . Оваа година се издвоени 3 милиони денари , а до 2018 г. вкупно ќе бидат издвоени 19 милиони денари за рехабилитација на патниот правец Р103, делница Прдејци-Смоквица.
ЈПДП и понатаму продолжува со зацртаната програма за изградба , рехабилитација и реконструкција на голем број на патишта во државата, сега и во иднина“, се вели во демантот на Јавното претпријатие за државни патишта на изјавата на г. Тихомир Ручкоманов од ОО на ЛДП од Гевгелија.