Горан Стојковски е новиот директор на „ЈП Водовод“ од Куманово. Стојковски доаѓа на местото на Виктор Божиновски кој што по седум години реши да поднесе оставка.
-Чест ми и обврска што сум дел од тимот на градоначалникот, тим кој што ќе работи за мултиконфесионално, мултиетничко и просперитенто Куманово. Се надевам дека во соработка со сите надлежни институции, проблемите со вода ќе се надминат-изјави новиот директор.
Градоначалникот на Куманово, Зоран Дамјановски му честиташе на Стојковски и му посака успех во работата.
-Се надевам дека Стојковски заедно со младиот тим ќе продолжи да работи во насока на реинкарирање и рехабилитирање на дадените состојби во јавното претпријатие-истакна градоначалникот.
Елена Георгиевска