Пратеничката Дивна Јовковска- Ефтимовска е згрозена од непримерната употреба на сила од страна на полицијата во Собранието , а уште поморбидно, вели, е чувството кога знаеш дека тепа и удира полиција која граѓаните ја плаќаат, и за која пратениците од СДСМ, често поставуваваат пратенички прашања кога конечно ќе се обезбедат пари за нови униформи.
Тоа е пранеичката која грубо беше влечена од обезбедувањето среде собраниска сала и пред очите на пратеничките и пратениците од ВМРО-ДПМНЕ, СП, ДП , ДОМ и ДУИ.
„Разочарана сум и од однесувањето на пратениците од владеачкото мнозинство кои уживаа и со смеење го следеа нашето насилно исфрлање од собранискота сала.Коплетна фаличност на човечка димензија,за солидарност да не стане збор.Затоа лицемерни се крокодилските солзи на претседателката на Комисијата за еднакви можности на мажите и жените Лилјана Поповска,која вообичаено веќе, едно зборува,а друго прави.Дента не реагираше.Беше дел од екипата која го гледаше филмот во режија на власта`, рече Јовковска- Ефтимовска.
Иако бев во групата на која се удри, вели Јовковска- Ефтимовска не се чувствувам тепана, од причина што знам дека бев на вистинската страна,на браникот на демократијата и уставниот поредок на РМ.
„А сега нешто од Макијавели кој неодамна го цитираше пратеничка од ВМРО ДПМНЕ,иако сметаше дека тоа што го кажа е реплика на Ајнштајн,а не на Макијавели. Е тој,Макијавели во неговото дело „Владетелот“го оправдувал владеењето со сила наместо со закони. „Владетелот“ оправдува низа постапки извршени со единствена цел за зацврстување на власта. Тепањето на пратениците е практицирање на Макијавелизам од страна на власта,се со цел по секоја цена да се остане на власт“.Дефинитивно сум згрозена и ги осудувам настаните пред и во Собранието на Република Македонија кои резултираа со насилно донесување на Буџетот за 2013 година од страна на владеачкото мнозинство,со употреба на сила кон пратениците на опозицијата, но и кон новинарите, изјави за Преспа Скај, пратеничката Дивна Јовковска- Ефтимовска.
Јовковска- Ефтимовска семта дела со настаните во понеделникот се изврши убиство на и така кревката македонска демократија и вовед во тоталитаризам`.
„ Оние што беа најгласноговорни противници на едноумието, денес се негови најревносни практиканти. ВМРО-ДПМНЕ во понеделникот ја силува македонската демократија ,и тоа го документираат снимките.
Цели 20 години ја следам македонската политичка сцена и до денес не сум видела уредно акредитирани новинари да се влечат и насилно да се бркаат од галеријата во собраниската сала се со цел да се скрие бруталноста над пратениците од опозицијата.Како долгогодишен радио новинар морам да искажам должна почит кон сите мои колеги-новинари за отпорот кои го пружаа во име на спасувањето на честа на професијата,меѓутоа и во име на вистината која сакаа да ја соопштат“, рече Јовковска- Ефтимовска .