Јавниот обвинител Љубомир Јовески рече дека имало заинтересирани за спогодба во предметот „Рекет“.
„До овој момент спогодба не е постигната“, рече Јовески и потврди дека имало заинтересирани за спогодба.
Во случајот „Рекет“ досега обвинети се Бојан Јовановски – Боки 13, кој се сомничи за „примање награда за противзаконито влијание“ и за „перење пари и други приноси од казниво дело“, Зоран Милески Кичеец кој се сомничи за трговија со влијание и поранешната специјална обвинителка Катица Јанева која е осомничена за злоупотреба на службената положба и овластување.
Јовановски и Јанева се во притвор во КПУ Затвор Скопје, а Милевски е во домашен притвор.
Јовановски вчера требаше да даде исказ во Обвинителството, но му се слоши и со брза помош беше однесен во болница, а потоа вратен во притвор.