Професорот Јове Кекеновски за весникот Нова Македонија ја потврдил информацијата дека е еден од можните претседателски кандидати на владејачката ВМРО-ДПМНЕ на следните претседателски избори, кои ќе се одржат идната година.
Точно е дека ќе се пријавам на повикот на ВМРО-ДПМНЕ на конвенцијата што треба да се одржи во мај. Со моето образовани и политичко искуство, сметам дека ги исполнувам сите услови да се пријавам како кандидат за претседател на Македонија. Во ВМРО-ДПМНЕ е утврден американскиот модел на избор на кандидати, според кој ќе има внатрепартиски филтер на сите пријавени кандидати. Верувам дека имам голема поддршка од членството и се надевам на победа – изјавил Кекеновски.