Јовановски: МВР мора да ги расчисти околностите околу нападот на Тодоров

Од:

Крсте Јовановски од ВМРО-ДПМНЕ денеска одржа прес-конференција на која што повторно ги обвини СДСМ и дел од медиумите за создавање атмосфера за нападот на Тодоров.

– Обидот за атентат врз Никола Тодоров не беше афектен чин. Обидот за атентат врз Никола Тодоров беше чин кој беше поттикнуван со години. СДС и невладините организации под контрола на Сорос измислуваа стотици лаги против Тодоров само за да ја подготват и подгреат атмосферата до момент во кој некој ќе им поверува и ќе одлучи да пролее крв. Нема земја во светот во која што не починал пациент, но тие сметаа дека со прогласувањето на Тодоров за масовен убиец ќе успеат да манипулираат со чувствата на болните, нивните блиски или оние кои загубиле некого, рече Јовановски.

Тој изјави дека ваквата политика имала за цел да предизвика конфликти. Според него напаѓачот на Тодоров не се одлучил сам да го нападне екс-министерот токму на првиот ден од доаѓањето на СДСМ на власт.

– Органите на прогонот мора да утврдат и кој му го дал пиштолот за да го стори криминалниот акт. Органите на прогонот мора да побараат одговорност од сите оние кои го поттикнуваа и помагаа атентатот и сеуште даваат поддршка на крвавите пресметки. Молкот е неприфатлив. Не смее да се молчи и за подметнатата бомба во семејната куќа на пратеникот Антониjо Милошоски. Не смее да се молчи ниту за демолирањето на автомобилот на Гордана Јанкулоска, рече Јовановски.

Тој додаде дека доколку МВР не ги најде виновниците, ќе било јасно кој стои зад овие настани.

= ВМРО-ДПМНЕ им порачува на сите кои што мислат дека со вакви подли и кукавички акти ќе не уплашат и замолчат дека многу се лажат. ВМРО-ДПМНЕ нема да отстапи од патот по кој чекори – создавање на просперитетна и економски силна Република Македонија! Идеја и цел која е во полза на сите граѓани на нашата држава, заврши Јовановски.

Би можело да ве интересира

Матните времиња во енергетскиот сектор завршија со заминувањето на СДС и ДУИ во опозиција, велат од ВМРО-ДПМНЕ

ВМРО-ДПМНЕ: Ги градиме темелите на промените, доаѓа времето на Македонија

ВМРО-ДПМНЕ: Поддршката на СДС и ДУИ за Коцевски ги фрла во вода сите нивни прес-конференции за Кочани

ВМРО-ДПМНЕ: Апасиев да каже колку пари зел од своите тогашни шефови, денес главни фигури во обвинителството?

ВМРО-ДПМНЕ: За ситни политички поени, СДС ја стави Македонија во пламен

Горан Наумовски

ВМРО-ДПМНЕ: Коцевски да ја прими пораката на Собрание и да поднесе оставка

Горан Наумовски