Гордана Јанкулоска, министерката за внатрешни работи, преку Германија, заминува во работна посета на Соединетите Американски Држави, објави Плусинфо.
Патувањето на Јанкулоска во САД за порталот го потврди и МВР, но без објаснување која е причината за патувањето.
„Ќе информираме со време“, бил кусиот одговор на МВР.
Министерката која беше речиси секојдневно присутна во медиумите за секој повод, по објавувањето на прислушуваните разговори, меѓу кои и нејзините разговори со министерот за финансии, со градоначалникот на Прилеп и со екс министерот за правда Михајло Маневски, ја нема во јавноста.
Јанкулоска и Ставревски не присуствуваа на заедничката седница на македонската и на српската влада, која се одржа во Скопје.
