Министерката за внатрешни работи Гордана Јанкулоска во рамки на 81-то Генерално собрание на Интерпол, ќе учествува на конференцијата на министри за внатрешни работи од земјите – членки на оваа најстара интернационална полициска асоцијација, што ќе се одржи во Рим.
Предвидено е Јанкулоска да има обраќање на конференцијата на која ќе бидат разгледани повеќе теми од областа на безбедноста.
На маргините на конференцијата, Јанкулоска и нејзиниот австралиски колега ќе го парафираат Меморандумот за соработка меѓу МВР и Австралиската сојузна полиција за борба против транснационалниот криминал и развој на полициската соработка.