Судијката на рочиштето за „Рекет“ нареди да се отстрани поранешната шефица на СЈО Катица Јанева од судницата, откако таа почна да префрла со недолични коментари.
„Гомнарке, ороспијо“, Јанева ѝ се обрати на својата поранешна колешка Лиле Стефанова, пред да биде отстранета од судницата.
По завршувањето на сведочењето на обвинителката Лиле Стефанова, полицајците ѝ пријдоа за да ја извадат од судницата, а Јанева со смеење се обрати кон новинарите:
„Мачето ѝ го возев, затоа ли не ѝ чинам“, кажа Јанева, што предизвика чудење кај новинарите кои го следеа судењето.
Јанева со полициска придружба беше однесена во друга просторија, каде што потоа се расплака.