Кандидатот за градоначалник на општина Карпош од Српската напредна странка, Стевчо Јакимовски ветува дека ќе инвестира во културниот развој на општината и оти ќе обезбеди подобри услови и стандарди за уметниците.
– Од особена важност за нас, не е само да вложуваме единствено во инфраструктурата, туку и во комплетното живеење и целокупната општествена надградба како што е развојот и негувањето на културата. Затоа во наредниот период, уште повеќе ќе ги зголемиме средствата кои се потребни за одржување на културните стандарди, изјави денеска Јакимовски.
Тој ветува дека Општина Карпош и понатаму ќе издвојувала финансии за поддршка на културата и уметноста во висина од 350.000 до 400.000 евра на годишно ниво.