Претседателот на ГРОМ Стевчо Јакимовски очекува изборите да бидат фер и демократски и дека државата ќе покаже зрелост дека е подготвена да биде дел од европскиот дом.
– Јас својата граѓанска обврска ја завршив, гласав и за претседател и за претставници во Собранието на Република Македонија. Се надевам дека денешниот ден и гласањето ќе поминат насекаде во позитивна атмосфера, без проблеми, и дека овој ден ќе биде празник за сите граѓани на Републиката.
– Очекувам денеска да избереме претседател и според волјата на граѓаните да го избереме новиот парламентарен состав, изјави претседателот на ГРОМ Стевчо Јакимовски откако гласаше во училиштето „Димо Хаџи Димов“.