Кандидатот за градоначалник на Српската напредна странка за општина Карпош, Стевчо Јакимовски вечерва имаше средба со жителите на населбата Тафталиџе.
Најави гасификација на општината и формирање на фонд за реконструкција на азбестните покриви во домовите.
– Сите оние што имаат азбесни покриви ќе почнат да аплицираат и заеднички да вршиме нивна замена. За високите згради ќе формираме сопствен сервис со којшто ќе ги реконструираме лифтовите затоа што тоа станува сериозно безбедносно прашање, рече Јакимовски.
Тој одржа и митинг во населбата Карпош 3 каде ги претстави својата визија и плановите за развој на општината. Вети изградба на културни домови, спортски сали и стимулирање на млади претприемачи преку ослободување на такси и давачки доколку вработат над 70 проценти од жителите на Карпош.