Потпретседателката на Собранието, Светлана Јакимовска, кадар на ВМРО-ДПМНЕ и го исклучи микрофонот на Силвана Бонева, која се јави за процедурална забелешка, а всушност сакаше да му одговари на Јани Макрадули.
„Со дискусиите на ВМРО-ДПМНЕ и со негирањето на Глигоров, се задава уште еден удар врз државноста и македонскиот идентитет. Македонија не смее да биде зафатена од болниот ум за антиквизација“, укажа Макрадули.
„Заборавате дека порано живеевме во едно тоталитаристичко време, а творец беше и Киро Глигоров“, реплицираше Силвана Бонева.
„Кога МАНУ побара, или вие од МАНУ побаравте да ја каже историската вредност на Тодор Александров, Ванчо Михајлов и Мара Бунева за кои вие крадете пари и им градите споменици.Вие ли сте таа Силвана Бонева, за која бугарски европратеник кажа дека сте се изјаснувале како Бугарка“, ја праша Макрадули.
На ова следуваа довикувања и кавги во собраниската сала, и ја испровоцирaа Бонева.
За Илија Димовски, Глигоров има заслуги, но сите негови одлуки не се позитивни, треба да се слави делото на Глигоров, но тоа да биде балансирано.
Александар Николовски забележа дека е неопходно помирување, а не да се дебатира за историјата.
„Ванчо Михајлов по налог на Мусолини, Анте Павелиќ, и Хитлер, слета во Скопје да направи фашистичка држава, а вие го славите и восочна фигура му правите. Е за ова не може помирување. За разлика од Ванчо Михајлов, за Петре Пирузе немало и ќе нема никаков проблем да се слави“, реплицираше Игор Ивановски.