Осум лица се здобиле со лесни телесни повреди во шест од вкупно 11 сообраќајни незгоди што се случиле изминатото деноноќие на подрачјето на Град Скопје. Во пет сообраќајни незгоди е причинета материјална штета.
Според податоците на МВР, полицијата евидентирала 36 возачи кои се движеле со поголема брзина од дозволената, а од сообраќај исклучила 15 возачи пред да се стекнат со право на управување моторно возило и двајца возачи почетници.
Отстранети се и 13 возила кои биле технички неисправни и девет возила нерегистрирани. Со специјалното возило „пајак“ биле подигнати 88 возила.
За не прописно паркирање полицијата издала 111 мерка. Казнети се и двајца пешаци кои поминале коловоз вон пешачки премин, пет возачи кои поминале крстосница на црвено светло, четири возачи кои не дале првенство на минување на пешаците на обележан пешачки премин, еден за неправилно престројување, двајца за неправилно престигнување, двајца возачи кои не дале првенство на минување на возила во зона на крстосница и четворица возачи за непоседување пропишана зимска опрема во возилата.
Санкционирани се и 12 возачи за неносење сигурносен појас за време на управување на моторно возило и 23 возачи за користење мобилен телефон за време на управување моторно возило.