Измените во Деловникот за работа на Собранието ќе се разгледуваат по скратена постапка

Од:

Пратениците со 61 глас за, без ниту еден воздржан или против, одлучија по скратена постапка да биде разгледан Предлогот за дополнувања на Деловникот на Собранието на Република Македонија, со што треба да се овозможи пратениците кои се во изолација поради позитивен тест на КОВИД-19 или поради контакт со лице со позитивен тест да можат да се вклучат во работа на Парламентот од далечина или онлајн.

Предлогот, со кој се предвидува пратеници со позитивен тест за Ковид-19 и со решение за изолација да можат да се изјаснуваат на пленарни седници и на седници на собраниските комисии, го поднесе претседателот на Собранието, Талат Џафери.

Ова решение, рече Џафери образложувајќи го Предлогот, нема да го промени досегашниот начин на работа, туку само ќе овозможи овие пратеници да можат да се вклучат во работата на Парламентот, а со тоа и ќе се овозожи тој да биде целосно функционален.

Претседателот на Собранието рече дека сите што имаат забелешки на Предлогот за дополнувања на Деловникот на Собранието, да ги достават и најави дека како предлагач ќе ги разгледа сите забелешки и предлози.

Според Џафери, Предлогот, кој е во скратена постапка, по изгласувањето на потребата од носење, треба да помине на Комисија, а потоа пак да се врати на гласање на пленарна седница.

Собраниската 22. седница продолжува со утврдување на дневниот ред.

Би можело да ве интересира

Пратениците расправаа за повеќе закони, гласањето ќе биде дополнително закажано

Жарко Настоски

Пратениците го изгласаа Законот за попис

Габриела Димковиќ-Мишевска

Седници на три собраниски комисии

Ана Ололовска

Седници на пет собраниски комисии

Ана Ололовска

Собранието остана без кворум: двајца пратеници не дојдоа поради коронавирусот, а опозицијата не влезе на седницата

Габриела Димковиќ-Мишевска

Триесетта седница на Собранието, на дневен ред и интерпелацијата за работата на вицепремиерот Димитров

Ана Ололовска