По повод Меѓународниот ден на сеќавање на холокаустот во Министерството за надворешни работи денеска ќе се одржи комеморативна церемонија.
Целта е да се оддаде почит на сите жртви на холокаустот, вклучително и на 7.144 Евреи од Македонија кои во 1943 година биле депортирани и екстерминирани во логорот „Треблинка“.
Воедно, во холот на МНР ќе биде отворена изложба „Ана Франк – историја за денешнината”, која се реализира во соработка со музејот „Куќата на Ана Франк“ од Амстердам и „Младинскиот образовен форум“ од Скопје.
