Во Музејот на македонската борба денеска ќе биде отворена изложба на макети, минијатури и диорами изработени од макетари од Скопје и од Тетово.
На изложбата првпат ќе бидат изложени стотина макети на воени воздухоплови и борбена оклопна техника на модели кои потекнуваат од Првата и Втората светска војна, па се до денес, како и воени орудија на Армијата на Република Македонија.
Автори на макетите се Драган Цветиќ, Славчо Георгиевски, Александар Стојановски, Михајло Ивановски, Душко Кировски и Бојан Јанковски.
Изложбата ќе ја отвори командантот на военото воздухопловство, полковник Кире Колевски.