Излеаната Маркова Река направи проблеми во Студеничани, Батинци, Пинтија, Горно и Долно Лисиче

Од:

РЦУК – Скопје, известува дека поради врнежите од дожд, вчера и ноќеска, дојдено е до зголемување на нивото на Маркова Река поради што истата е излеана преку мостот кај Љубош и низводно, и дојдено е до поплавување на неколку куќи, магацини и индустриски објекти во селата Студеничани и Батинци, како и делови кон Пинтија.

Исто така пријавено е и поплавување на дел од бул.Борис Трајковски кај населба Пинтија, каде исто така имало пријави за поплавени магацини. Според информациите од лицето за контакт од ЕЛС Студеничани, интервенираат службите на ЕЛС Студеничани со локалните фирми, а исто така на терен има и претставници од ЕЛС Кисела Вода.

Во текот на ноќта, на Единствениот број за итни повици 112 добиени се и пријави за поплавени куќи во Горно Лисиче (опш.Аеродром), каде интервенира ЕЛС Аеродром.

Исто така, на поплавените места интервенираат и БППЗ на град Скопје и Јавните претпријатија на град Скопје и ЕЛС.

АМСМ известува дека непроодни се локалниот пат с.Горно Лисиче према с.Долно Лисиче (опш.Аеродром) и првиот мост во с.Батинци (опш.Студеничани).

Македонски железници известуваат дека железничкиот патнички и товарен сообраќај, од 22.50 часот е во прекин во правец на Лисиче и Драчево и обратно, додека патничкиот сообраќај се одвива преку станицата Трубарево.

Би можело да ве интересира

Вардар во Велес излеан на кејот, во градскиот парк поплавени дрвјата покрај брегот

Предраг Петровиќ

Нема опасност за населението по излевањето на Маркова Река, евидентирана е само материјална штета

Горан Наумовски

Град Скопје: Одржување на каналите и коритото на реката Маркова Река е во надлежност на општина Студеничани и МЖСП

Маркова Река се излеа во село Батинци, нема потреба од евакуација

Стотици илјади луѓе во Австралија се без струја поради тропската бура „Алфред“

(ВИДЕО) Мајки со бебиња бегаат од поплавената болница во Аргентина, 10 загинати во поплави