Претседателот на Република Македонија Ѓорге Иванов очекува денешните локални ибори да поминат во најдобар ред и вечер да бидат прогласени победниците и оние кои ја заслужуваат довербата.
– Денес е денот кога граѓаните го даваат гласот за оние во коишто имаат најмногу доверба, го даваат гласот за оние во кои веруваат дека најмногу можат да сторат за нив и нивните блиски во местата каде што живеат. Очекувам и овие избори да поминат во најдобар можен ред и вечер да им честитаме на победниците, на оние кои ја заслужиле довербата, изјави Иванов, откако гласаше во гимназијата Јосип Броз Тито.