Помошни објекти и сточна храна изгореле во пожарот што се случи вчера во атарот на кумановското село Доброшане кај регионалниот пат Куманово – Свети Николе, информираа денеска од кумановската територијална противпожарна единица (ТППЕ) чии пожарникари со три противпожарни возила го гаснеле пожарот од 13:10 до 18:10 часот.
Според ТППЕ Куманово, од каде го пријавиле пожарот во СВР Куманово, целосно изгореле помошните објекти, но биле спасени 450 овци.
По наредба на кумановското Основно јавно обвинителство увидна екипа на СВР Куманово излегла на терен и според првичните податоци, во пожарот изгореле 30 тони жито, 1.200 бали овес, околу 1.000 бали сено и 900 бали слама.Објектот, сопственост на 33 годишен кумановец, бил со површина од над 400 метри квадратни.