Во паркирано моторно возило „ауди А8“ со германска национална ознака, вчера бил подметнат пожар од непознат сторител.
Возилото во сопственост на 43-годишниот М. Р. Било запалено од непознат сторител на тој начин што тој го отворил стаклото од предната десна врата и во внатрешноста на возилото испрскал запаллива материја, а потоа преку отворот во возилото фрлил парче од плетена ракавица, најверојатно натопено со запаллива течност, по што се оддалечил во непознат правец.
Пожарот бил изгасен од страна на сопственикот, а при пожарот оштетен е тапацирот од предната десна врата и страничниот десен дел од предното десно седиште, како и исчадена е целата внатрешност од возилото.
Увид на лице место извршила екипа од СВР-Скопје. Материјалната штета дополнително ќе биде утврдена.
Се преземаат мерки за пронаоѓање на сторителот.