Автобус на охридски Галеб изгоре кај Пресека. Од засега непознати причини, автобусот во кој немало патници, а одел на сервисирање за запалил.
Возачот забележал дека автобусот гори и успеал да се спаси. На местото на инцидентот има две противпожарни екипи.
АМСМ информираше дека патниот правец Охрид-Кичево е затворен во двата правци.
– Од АМСМ известуваат дека од 21:00 часот на патот Охрид – Кичево, кај Извор, сообраќајот е во прекин во двата правци. Од ТППЕ Кичево интервенираат со 2 екипи при гасење на опожарен автобус. Од РЦУК – Охрид известуваат дека нема повредени лица односно автобусот бил без патници соопштија од Центарот за управување со кризи.
Според последните информации патот е отворен за сообраќај.