Во предворјето на црквата „Света Богородица“ во Македонска Каменица се одржа традиционалната манифестација „Избор на најубаво украсено велигденско јајце“.
На манифестацијата, организирана од Културно-информативниот центар „Романса“ и локалната самоуправа во соработка со црковниот одбор, беа презентирани велигденски јајца украсени со најразлични мотиви.
Градоначалникот на Македонска Каменица Дарко Митевски ги поздрави учесниците и додели три пригодни награди за тие со најдобро украсени велигденски јајца.