Основци, средношколци и студенти на возраст од 13 до 22 години заклучно со денеска имаат можност да се изборат за учество во финалето на вториот национален натпревар – Microsoft Office Specialist на Македонија, што ќе се одржи на 31-ви овој месец во Скопје.
Во финалето ќе влезат најдобрите 40, од кои 30 на ниво на цела Македонија и 10 од Скопје, според ранг листата, меѓу кои е и минатогодишниот победник Марко Марковиќ.
Се натпреваруваат преку официјални електронски испити од Microsoft Office апликациите, односно Word, Excel и Power Point едиција 2013 или 2016.
Победникот во финалето со најмногу бодови и најкратко време, заминува во Калифорнија, како директен учесник на Светскиот натпревар за Microsoft Office Specialist.
Спонзор на второто издание на Националниот натпревар за Microsoft Office Specialist е Стопанска банка ад Скопје, а поддржувачи се Министерство за информатичко општество и администрација на Семос Едукација, Microsoft Македонија, Здружението на информатичари на Македонија, Стопанска Банка ад – Скопје, LycaMobile, Град Скопје, Макпетрол, Масит, Инбох и Метрополис Радио Мрежа.