Избегната е несреќа на „Табановце“: Возач на „пасат“ удри во метален столб за видеонадзор

Охриѓанец со автомобил „пасат“ удрил во метален столб со камери за видеонадзор на граничниот премин Табановце, соопшти денеска кумановската полиција.

– Вчера околу 18.30 часот во СВР Куманово било пријавено дека на граничниот премин Табановце се случила сообраќајна незгода во која возило „пасат“ управувано од С.Љ. (59) од Охрид удрило во метален столб со камери за видеонадзор, информираше СВР Куманово.

Во незгодата нема повредени, увид извршила екипа од СВР Куманово.