Министерот за животна средина и просторно планирање Нурхан Изаири присуствуваше на министерската Конференција на Централно – европската иницијатива на тема “Енергетски преобразби” што се одржа во Виена.
Како што соопшти Министерството за животна средина и просторно планирање, на форумот на кој учествуваа министрите надлежни за животна средина од 10 држави од регионот, се дискутираше за придонесот на регионот во борбата против климатските промени преку зголемена употреба на обновливите извори на енергија и взаемните придобивки од нивната употреба, како потенцијалот за генерирање нови работни места.
На маргините на конференцијата министерот Изаири се сретна со неговиот австриски колега, федералниот министер за земјоделство, животна средина шумарство и управување со водните ресурси Андрej Рупрехтер. – На средбата беа дефинирани следните чекори како и динамиката на соработка со цел унапредување на билатералната соработка во областа животна средина и климатски промени преку потпишување на меморандум за соработка во овие две области.
Изаири одржа средби и со хрватскиот министер за животна средина и заштита на природата, Михаел Змајловиќ, со директорот на Агенцијата за животна средина на Австрија, Џорџ Ребернинг, како и со директорот на Агенцијата за шумарство Мајкл Сутер.
Согласно препораките, идната година председавач на Централно – европската иницијатива ќе биде Министерството за животна средина и просторно планирање на Република Македонија и министерот Изаири.