Законот за медиуми, кој набргу треба да се најде на јавна расправа, треба да обезбеди слобода на изразување и слобода на медиумите, како и развој на медуумскиот плурализам, право на информирање и пристап до разновидни и независи информации како основни начела на демократското општество, вели министерот за информатичко општетство и администрација, Иво Ивановски во интервју за „Прес 24“.
Неодамна, тој изјави дека овој закон ќе ги ограничи сериите од немакедонско говорно подрачје, со цел да се стимулира домашната продукција. А, за две години дури 50 отсто од телевизиската програма ќе мора да биде од домашно производство. Ивановски смета дека домашните продукции ќе имаат капацитет да го остварат тоа.
– Со финансиските средства што се издвојуваат за странските серии, кога ќе се земат предвид големиот број со кој што се присутни, сигурен сум дека ќе може да се направат повеќе квалитетни серии со што телевизиите ќе можат да го привлечат вниманието на нивните гледачи. Ако сме докажале во филмската продукција дека Македонија има капацитет да направи филмови со светски стандарди со македонски актери, ќе можеме да го потврдиме и истото за домашни серии – вели Ивановски во интервјуто.