Законот за аудиовизуелни медиумски услуги стана закон за задушување на македонските медиуми, рече Цветанка Иванова на денешната седница на собраниската законодавна-правна комисија.
– Тоа е закон за тотален мрак со кој државата, односно ВМРО-ДПМНЕ и ДУИ ќе бидат медиуми. Тие си направија законска основа за корумпирање на медиумите со кој педесет проценти од програмата на медиумите со овој закон ќе биде плаќана од џебот на граѓаните, односно од буџетот. Накусо кажано, нека им е со среќа на новинарите. Сега власта има закон за корумпирање на новинарите и уредниците. И досега имало такви, но од сега, тоа ќе биде законски – изјави пратеничката на СДСМ, Цветанка Иванова.
Пратеникот од ДПА, Беким Фазлиу, рече дека со овој закон се легитимира цензурата и Албанците ќе бидат многу оштетени, а делата на овој народ, според законските одредби ќе бидат преименувани дека биле дела на Македонци.