Ѓорге Иванов ја прогласи изборната победа и вети дека ќе работи исклучиво во интерес на граѓаните.
„Бев и ќе останам претседател на сите граѓани, еден за сите, ќе ги бранам државните интереси интересите на сите граѓани“, рече Иванов кој нагласи дека на државата и е потребна и конструктивна опозиција.
„На изборите победија граѓаните. Институциите имаат обврска да им ја отворат иднината. Да работиме со повеќе енергија, со позасилено темпо. Да ја изградиме Македонија како држава каква сите посакуваме. Од утре нема победници и поразени, ќе работиме за доброто на сите“, порача досегашниот и нов претседател, Ѓорге Иванов.