Претседателот на Република Македонија и врховен командант на вооружените сили Ѓорге Иванов, по повод 11 Октомври – Денот на народното востание, денеска ги посети припадниците на АРМ во армискиот објект на Солунска глава.
За време на посетата, претседателот Иванов беше придружуван од началникот на ГШ на АРМ генерал-потполковник Горанчо Котески. Посетата беше искористена за обиколка на објектот, како и за запознавање со условите за живот и работа, должностите и обврските на припадниците на АРМ, кои задачите на овој издвоен објект ги извршуваат непрекинато во исклучително сложени услови.