Итната помош имала 65 интервенции на терен

Од:

Од Итната медицинска помош информираат дека во текот на ноќта и изутрината имале 65 интервенции на терен во скопскиот регион од кои кај 12 била констатирана смрт.

На повредените им била укажана здравствена помош на самото место, а 25 биле транспортирани во здравствени установи.

Од Ургентниот центар-Скопје потврдија дека кај нив здравствена заштита побарале 11 лица, а едно дете било донесено починато и кај него лекарите контатирале смрт.

Од 11-те лица, три се пуштени дома, тројца се хоспитализирани, а петмина се уште се дијагностицираат.

Од Клиниката за хируршки болести „Св. Наум Охридски“ информираат дека 15 граѓани побарале здравствена заштита, од кои три се примени во болницата поради исчашувања на екстремитети и исеченици кои ги добиле во невремето, а останатите по укажаната здравствена помош биле пуштени дома.

Од Градската општа болница „8 Септември“ потврдија дека биле прегледани 24 лица кои имале полесни телесни повреди (контузии и исеченици), и по укажаната лекарска помош се пуштени дома.

Би можело да ве интересира

Силно невреме со град ја погоди Словенија

Велешките пожарникари извлекле мајка и дете од автомобил на поплавена улица

ВИДЕО: Дождот направи поплави во Велес, небото се спушти и над Скопје

(ВИДЕО) Невреме во Србија: Ветрови со сила на ураган носеа сè пред себе, наврна многу дож, а некаде падна и град

(ВИДЕО) Невреме во Германија: Загина 11-годишно дете, поплавени се подруми, патиштата се затворени

(ВИДЕО) Страшна бура го погоди Пожаревац

Горан Наумовски