Д.З. (49) од Италија со живеалиште во Скопје во полициската станица во Центар пријавила дека вчера изутрина и била извршена насилна обљуба од нејзиниот поранешен љубовник Ц.M. (58) од Франција.
Според пријавата, во моментот кога Д.З. излегувала од дома поранешниот љубовник ја спречил да излезе, по што ја турнал внатре, ја заклучил влезната врата, и ги врзал рацете и над неа извршил насилна обљуба.
По ова, информира МВР во дневниот Билтен, се договориле да оди на работа за некој да не се посомнева во нешто и да се видат вечерта на плоштад.
Д.З. не пружала отпор поради тоа што била исплашена, бидејќи и претходно била физички малтретирана од Ц.М.
Се преземаат мерки за целосно расчистување на случајот.