Научното истражување „Граѓаните на Република Македонија за корупцијата“ од авторите Цане Мојаноски, Марјан Николовски, Марина Малиш Саздовска и Катерина Крстевска Савовска денеска ќе биде промовирано во ЕУ Инфо центарот во Скопје.
Промоцијата на делото е во рамки на Месецот на науката за безбедност на Факултетот за безбедност-Скопје. Покрај авторите, ќе се обрати и министерката за правда Рената Дескоска, продеканот за наука и развој на Факултетот за безбедност – Скопје Марјан Ѓуровски и рецензентот Миодраг Лабовиќ.
– Во рамки на истражувањето преку временската димензија се идентификуваат, анализираат, проценуваат и мерат определени перцепции за несаканите и негативни ефекти и последици од корупцијата, состојбата со јавниот интерес на заедницата и корупцијата, како и со подготвеноста на граѓаните да им овозможат поволности на службените лица, соопшти Факултетот за безбедност-Скопје.