Согласно со Програмата за одржување на коритото на река Вардар, Лепенец и отворените канали на подрачје на Град Скопје за 2013 година, деновиве, по налог на Градот, екипи на ЈП „Улици и патишта“ интензивно спроведуваа активности за чистење на коритото на реката Вардар и Ускански канал во општина Кисела Вода.
Рачно се чистеше нискостеблеста вегетација на косините од двете страни на минор коритото на реката Вардар на потегот од мостот кај хотелот Холидеј Ин до мостот „Мајка Тереза“ кај МАНУ, во должина од 300 метри, односно се исчистени 1.800 квадратни метри.
Деновиве е извршено рачно и машинско чистење и на Усјанскиот канал на потегот од населено место Усје до булеварот Борис Трајковски во должина од 250 метри, при што е исечена нискостеблестата вегетација и се извадени околу 2.000 кубни метри наноси од земја и од комунален отпад.
