Два дена се трага по 16-годишната Наташа Николова од кочанската населба Оризари. Таа го напуштила домот вчера во 8 часот наутро и оттогаш и се губи секаква трага. Родителите на малолетната Наташа бараат било каква информација за нивната ќерка. По неа, трага и полицијата. Кога излегла од дома, родителите знаеле дека таа се упатила кон училиштето. Од тогаш, не можат да стапат во никаков контакт со неа.
„Излезена е на 10 јуни, во 8 часот наутро. Носи темни тренерки, а можно е да носи и наочари. Излезена е со ранец. Ве молам сите што сте во можност да се вклучите во потрагата јавете се на 071348633, или упатете се кон Гоцева Шума -Кочани, таму последно се слушнати гласови. Вашата помош може многу да ни значи!!“, стои во апелот за пронаоѓање на малолетната Наташа.
Од полицијата за „А1он“ потврдуваат дека се трага по 16-годишното девојче.
„Вчера во 23.30 часот во Полициската станица Кочани, Ј.Н.(53) од н.Оризари, кочанско, пријавил дека од домот се оддалечила неговата ќерка Н.Н.(16). Се преземаат мерки за пронаоѓање на лицето“, велат од полицијата.