По обилните врнежи на дожд кои го зафатија Скопје и регионот денеска, на терен интервенираа екипите на штабот за заштита и спасување на Град Скопје.
По обилните врнежи на дожд се појавија поплави на неколку локации во Скопје, како што се подвозникот на бул. Киро Глигоров (кај Бриколаж) и клучката кај хотел Континентал. На овие локации краток период се создадоа потешкотии во одвивањето на сообраќајот, а по интервенцијата на екипите на штабот за заштита и спасување на Град Скопје, состојбата се нормализира и сообраќајот се одвива непречено и без застој.
И во наредниов период штабот за заштита и спасување на Град Скопје будно ќе ја следи состојбата на терен и доколку има потреба, соодветно ќе интервенира.
Покрај на сообраќајниците кои се во надлежност на Градот Скопје, поголемата концентрација на дожд предизвика и поплави на повеќе улици кои што се во општинска надлежност. Градот Скопје апелира до општините во Скопје да инвестираат повеќе средства и да вложат поголеми напори во подобрување на атмосферската мрежата на локалните улици кои што се во нивна надлежност.
