Интензивно се реконструира патниот правец од Пробиштип кон Крупиште

Од:

Интензивно се реконструира регионалниот пат од Пробиштип до Крупиште, кој е главната артерија за граѓаните на Пробиштип кон Штип, Кочани и граничниот премин со Бугарија кај Делчево. Градоначалникот на Општина Пробиштип, Драган Анастасов вели дека крајниот рок на изградбата ќе биде до крајот на јуни.

-Информациите кои ги имам од страна на градежниот оператор во периодот што следи ќе се асфалтира секојдневно, односно како ќе се тампонираат површините, така и ќе се асфлатира. Целта е до 25 јуни Пробиштип да биде вклучен на новиот експресен пат, кога е и рокот за завршување на првата делница од експресниот пат Штип –Кочани до клучката кај железничката пруга Ванчо Прќе кај селото Крупиште, вели Анастасов.

Тој истакна дека веќе нема застој на реконструкцијата на регионалниот пат од Пробиштип кон Крупиште. Во текот на изградбата, додава, се покажа дека на одредени делови на овој пат мора да се прави детална реконструкција, со ископи на патот и до два метра, но и негова дренажа кој ќе го заштитуваат патот особено во зимските периоди.

Рехабилитација и реконструкција на регионалниот пат Пробиштип – Крупиште, беше со првична вредност од 212.751.569 денари средства обезбедени од Јавно претпријатие за државни патишта на Република Северна Македонија.

Би можело да ве интересира

ЈПДП: Се санираат косините на автопат Миладиновци-Штип, последица на пропусти при изработка на проектната документација

А1он

Прв случај на позитивен на коронавирус во Пробиштип

А1он

Пожар во близина на Пробиштип

(ВИДЕО) Сугарески: Реконструкција на многу патишта немаше од времето на Тито, ВМРО-ДПМНЕ остави пустош

Предраг Петровиќ

Царовска од Пробиштип: Воведовме бенефициран стаж за рударите и ги зголемивме капацитетите во градинките

Маж се затрул од истечена плинска боца во Пробиштип

Наум Локоски