Огромен број на ученици, се собраа вечерва во трговскиот центар „Бисер“ во Аеродром на „договорена тепачка“.
Според очевидци кои не контактираа на „договорената тепачка“ се појавиле повеќе од 300 деца, за среќа полицијата брзо реагирала и ги растерала групите со што спречила да дојде до поголем инцидент.
Од фотографиите може да се забележи дека се уште има големо полициско присуство околу трговскиот центар, но и присуство на помали групи ученици.
„Договорените тепачки“ се повеќе земаат замав. Во изминатиот месец на неколкупати групи се пресметувале во Дебар маало, а видео од овие инциденти беше објавено и на социјалните мрежи.
Родителите се загрижени за ваквиот тренд, и стравуваат дека на крајот ќе настрада некое дете.