Мајката на Мартин, 28-годишниот Македонец кој и натаму е исчезнат, од Америка пристигна во Грција за да биде присутна при потрагата по нејзиниот син. Мартин е исчезнат од саботата кога заедно со уште двајца пријатели исчезнаа носени од силните струи во водата на плажа на Халкидики.
Утрово мајката на Мартин заедно со роднините пристигнала во базата на волонтерскиот тим за пребарување и спасување OFKATH во Переа, Солун, со цел да се подготват и заедно да заминат за Халкидики.
„Тргнав од Америка да дојдам во Грција за да го пронајдам моето дете. Многу сум вознемирена и во исчекување. Им благодарам на сите што ни помагаат. И на властите и на волонтерите. Тимот на ОФКАТH е покрај нас од првиот момент и им благодарам за тоа што го прават. Имаме верба“, изјави жената за грчките медиуми кога пристигна на Халкидики.
Денеска во потрагата се користи и подводен дрон.
Пријателите на Мартин, Васил и Иван беа пронајдени и се во добра состојба.