Боби Милевски е сменет од тренерската позиција на фудбалскиот клуб Вардар, а на негово место денеска за нов кормилар на „црвено-црните“ ќе да биде назначен поранешниот македонски селектор Никола Илиевски – Џиџи, пишува Екипа.мк.
Милевски го предводеше најтрофејниот македонски клуб и актуелен шампион до првото место во есенскиот дел од сезоната, а понатаму треба да добие нови задачи во таборот на Вардар.
Официјалното претставување на Илиевски се очекува денеска напладне, кога и ќе започнат подготовките за вториот дел од фудбалскиот шампионат. Покрај на кормилото на македонската сениорска селекција и на У-21 репрезентацијата на Македонија, Илиевски ги предводеше и Победа/, Работнички, Беласица, Скопје, Металург, словенечки Целје и репрезентацијата на Бангладеш.