Обвинетиот Игор Југ на продолжението од судењето за настаните од 27 април му постави прашање на ексминистерот за внатрешни работи, Агим Нухиу.
Игор Југ на одговор на судијката Добрила Кацарска дека не дозволува да му се постави неговото прашање на сведокот, скокна од столчето и се упати кон излезот на судницата.
„Изволте. Отстранете ме од судницата. Судите 33 Македонци. Каде е српскиот шпион Живаљевиќ”, викаше Југ.
Судијката го предупреди да не си ја отежнува и онака тешката состојба во која се наоѓа и дека таа не одлучува кој е обвинет, туку Обвинителството.
Претходно на Нихиу прашање му постави Александар Василевски Нинџа, кој го праша дали имал информации од УБК дека полицајци на тајната полиција, од петтата управа биле распоредени околу Собранието во 17 часот и дали добил информации дека ветерани на УЧК и активисти на ДУИ од повеќе градови, тргнале накај Скопје со оружје.
Нухиу негираше, само рече дека имало информации од директорот на УБК за можни критични термини.
До крајот на денешното рочиште треба да сведочат уште тројца сведоци, меѓу кои и Сашо Тасевски, директорот на БЈБ.
Васко Маглешов