Министерот за внатрешни работи, Панче Тошковски, утрово доби смс-порака за сторен сообраќаен прекршок забележан од системот „сејф сити“, додека со своето приватно возило се движеше кон Кавадарци, каде денеска се одржува партискиот конгрес на ВМРО–ДПМНЕ.
Како што објави тој на Фејсбук, системот регистрираше движење со брзина што ја надмина дозволената за 1 километар на час.
– Ова е најдобрата илустрација за тоа како треба да функционира државата. Системот важи и постапува еднакво кон сите и ако регистрира прекршок – санкцијата следи, без оглед кој е во возилото. Нема исклучоци, нема селективност, нема привилегирани. Управувањето со возило е обврска, не привилегија. Така се гради доверба, така се гради безбедност. Целта на „Безбеден град“ не е казнување, туку ред, дисциплина и спасување човечки животи. Со алармантниот број на жртви на патиштата што го имаме, мора да покажеме личен пример и одговорност. Оваа држава ќе биде посигурна само ако законите важат подеднакво за сите, вклучувајќи не и нас кои сме најодговорни за нивното спроведување – напиша Тошковски во својата објава.
