Холандија го поддржува португалскиот предлог за надминување на проблемот со Бугарија

Од:

Холандија го поддржува португалскиот предлог за надминување на проблемот со Бугарија, истакнала министерката за надворешни работи Сигрид Кааг на средбата со шефот на македонската дипломатија Бујар Османи. Како што соопштија од Владата, средбата се одржала во рамки на НАТО Самитот во Брисел, а Кааг изразила поддршка за евроинтеграцијата на земјава.

„Кааг ги поздрави остварените резултати, со цел зајакнување на демократијата и владеење на правото, при што ја истакна нужноста од континуирана и посветена имплементација на европските стандарди и реформските цели, давајќи поддршка на евроинтегративните перспективи на Република Северна Македонија со верба дека набргу и формално ќе почнат преговорите за пристапување во ЕУ“-соопштија од владината прес-служба.

Министерот Османи го поздравил, како што велат, холандскиот „строг и фер“ принцип, што значително помага во спроведување на реформската европска агенда и имплементирање на европските стандарди, во насока на европските амбиции на Република Северна Македонија. Османи се заблагодарил и за принципиелната и недвосмислена поддршка од Холандија за европската интеграција на нашата земја, посебно преку поддршка на судството, реформа на јавната администрација и приближувањето кон европското законодавство.

Како што претходно соопшти „360 степени“, кабинетот на премиерот Марк Руте го известил тамошниот парламент дека на сесијата на Советот за општи работи на ЕУ (ГАК), која ќе се одржи на 22 јуни, холандската влада има намера да го поддржи прифаќањето на преговарачката рамка и одредувањето датум за одржување на првата меѓувладината конференција со Северна Македонија и со Албанија.

Дефинитивниот став што ќе го презентира Холандија пред европските партнери ќе биде утврден по парламентарната дебата која ќе се одржи на 16 јуни, а ставовите на парламентот иако не се задолжителни за владата, таа вообичаено ги следи.

Би можело да ве интересира

Холандија воведе санкции за двајца израелски министри поради повици за „етничко чистење на Газа“

Казна од 439 евра – радарот ја фати дека „зборува на мобилен“ додека вози, а жената држеше мраз на образот

А1он

Властите во пристаништето Ротердам сериозно се подготвуваат за војна со Русија

Хаос на улиците на Амстердам: Две пукотници за половина час, еден маж е тешко повреден

Цел мандат ли ќе барате подобра преговарачка позиција: Како „модерни“ Македонци не влегуваме во ЕУ – Филипче и Мицкоски за евроинтеграциите

Кралицата на Холандија подари ѕвоно направено од руско оружје на црква во Чешка