Во интервју за грчката новинска агенција АНА-МПА, заменик-помошникот државен секреатар на САД, Брајан Хојт Ји истакна дека во 2018 година Скопје и Атина имаат одлична можност за решавање на прашањето за името, бидејќи лидерствтото и добрата волја на двете земји се охрабрувачки.
– Лидерството и добрата волја што неодамна ги изразија двете влади за ова прашање се охрабрувачки. Преговорите ќе бидат тешки, и двете страни мора да прават компромиси, но изгледа првичните разговори со посредништво на специјалниот пратеник на Обединетите нации Метју Нимиц беа конструктивни, истакнува Ји.
Според него локалните избори поминале во клима на почитување на основните слободи и кажа дека го охрабрува позитивниот тон кај премиерот Зоран Заев во спроведувањето на реформите.
Како што кажа Ји, нема план за тој да биде нов американски амбасадор во Скопје.
– Белата куќа е единствено надлежна за тие прашања и нема соопштено ништо такво, рече Хојт Ји за државната новинска агенција на Грција.