„Во сите времиња, зад секоја бура, зад нас стои синдикат за образование, наука и култура“, ова е првата строфа од химната на Синдикатот за образование, наука и култура.
Натаму, во химната се посочува борбата на сндикалците, дека не подлегнуваат на притисоци и громови, дека секогаш со крената глава решаваат проблеми.
Еве го комплетниот текст и пораките од химната на СОНК:
Во сите времиња, во секоја бура,
зад нас стои синдикат
за образование, наука и култура.
Во сите преговори, во сите договори,
во село и во град,
СОНК е моја заштита,
мојот синдикат.
Ние сме секогаш заедно,
одиме со крената глава,
СОНК се бори, се ќе стори
за нашите права.
Бидете со нас, а не за нас,
СОНК е клетва и заклетва.
И под притисоци и громови чести,
решаваме проблеми,
со преговори или штрајкови
и протести.